Паверка прыбораў уліку вады

Прыбор уліку расходу вады – з'яўляецца складанай тэхнічнай прыладай. З цягам часу яго дэталі зношваюцца, дэфармуюцца і прыбор уліку можа адлюстроўваць няправільныя паказанні як у бок змяншэння аб'ёму вады, які рэальна прайшоў, так і ў бок яго павелічэння. Таму прыборы ўліку і падлягаюць перыядычнай паверцы.

             Паверка прыбораў уліку вады рэгламентуецца законам Рэспублікі Беларусь ад 5 верасня 1995 года № 3848-XII "Аб забеспячэнні адзінства вымярэнняў". Першапачатковая паверка прыбораў уліку расходу вады ажыццяўляецца службай АТК завода-вытворцы, пра што робіцца адзнака ў пашпарце на прыбор. Таксама ў пашпарце пазначаецца міжпаверачны інтэрвал, які вылічваецца з даты вырабу. Як правіла, гэты тэрмін складае 4-5 гадоў у залежнасці ад маркі прыбора.

            Замену, падрыхтоўку да паверкі і рамонту прыбораў уліку вады ажыццяўляе рамонтна-механічны ўчастак прадпрыемства.

            Паверка індывідуальных прыбораў уліку вады праводзіцца прадстаўніком РУП "Барысаўскі ЦСМС" у вадамернай майстэрні Водаканала на спецыяльным стэндзе пры розных характарыстыках патоку вады.

            Дзяржаўнае прадпрыемства "Барысаўводаканал" вядзе кантроль тэрмінаў паверкі прыбораў уліку расходу вады. Аб заканчэнні тэрміну паверкі спажыўцу выдаецца (высылаецца) прадпісанне аб неабходнасці іх паверкі. Паверка прыбораў ажыццяўляецца шляхам замены непавераных прыбораў уліку спажыўца на павераныя з абменнага фонду нашага прадпрыемства. Для ўзгаднення даты і часу правядзення работ спажыўцу неабходна звярнуцца ў абанентны аддзел па тэл.  73-63-74. Зняты вадамер паступае ў вадамерную майстэрню, там яго разбіраюць, аглядаюць, чысцяць, пры неабходнасці мяняюць зношаныя часткі і затым рэгулююць. Пасля чаго прыбор уліку вады пераходзіць у абменны фонд прадпрыемства.

Пры зняцці прыбораў уліку сіламі дзяржаўнага прадпрыемства "Барысаўводаканал" спажывец павінен забяспечыць спраўнасць запорнай арматуры, трубаправода, гнуткай падводкі

            Па патрабаванні спажыўца, па яго пісьмовай заяве, можа быць адрамантаваны і павераны яго ўласны вадамер (не з абменнага фонду прадпрыемства). Але ў гэтым выпадку прыбор уліку здымаецца самастойна спажыўцом і здаецца ў 11 кабінет прадпрыемства. Час паверкі складзе ад 7 да 14 дзён.

            Прыём заяўкі на правядзенне дзяржаўнай паверкі і рамонт індывідуальных прыбораў уліку вады ажыццяўляецца на падставе звароту.

Работы, звязаныя з планавай паверкай прыбораў уліку, ажыццяўляюцца за кошт сродкаў нашага прадпрыемства. Пазапланавая паверка прыбораў уліку па заяўцы спажыўца і звязаныя з ёй выдаткі аплачваюцца за кошт сродкаў спажыўца.

 У выпадку адмовы спажыўца ад паверкі прыбораў уліку вады альбо ўсталявання павераных прыбораў уліку вады з абменнага фонду, спажыванне паслуг водазабеспячэння і водаадвядзення (каналізацыі) з'яўляецца безуліковым і вылічваецца ў адпаведнасці з нормамі "Палажэння аб парадку разліку і ўнясення платы за жыллёва-камунальныя паслугі і платы за карыстанне жылымі памяшканнямі дзяржаўнага жыллёвага фонду", зацверджанага пастановай Савета Міністраў РБ ад 12 чэрвеня 2014г. № 571. Налічэнне платы ў дадзеным выпадку ажыццяўляецца зыходзячы з нарматываў, устаноўленых мясцовымі выканаўчымі і распарадчымі органамі (250 літраў у суткі на 1 чалавека), і тарыфаў, якія забяспечваюць поўнае пакрыццё эканамічна абгрунтаваных выдаткаў.

Даведацца пра дату папярэдняй паверкі можна ў пашпарце прыбора ўліку, у акце прыёмкі прыбораў уліку на камерцыйны ўлік або па тэл. 76-57-21,73-13-88

Дадатковую інфармацыю можна атрымаць у абанентным аддзеле па адрасе: г. Барысаў, зав.Зялёны, 7, каб. 11 альбо па тэл. 73-63-74.

Час працы:

            АЎТ, ЧЦ, ПТ.: 8.00 – 17.00 

            Абед: 13.00–14.00

            СР.: 8.00–20.00

            Абед: 14.00–15.00
            СБ.: 9.00–16.00 – без абеду

            НД., ПН: выхадны