О необходимости заключения договора на предоставление услуги водоснабжения и водоотведения населению

Галоўная мэта дагавора – абарона правоў і законных інтарэсаў бакоў. Гэты дагавор вызначае правы і абавязкі спажыўца ЖКП. Калі паміж выканаўцам і спажыўцом жыллёва-камунальных паслуг аформлены дагаворныя адносіны, то можна казаць аб наяўнасці прававога поля для прад'яўлення прэтэнзій, напрыклад, у выпадку няякаснага аказання паслуг або няправільнага разліку; менавіта гэта ў першую чаргу і павінны разумець спажыўцы.

У прыватнасці, у Законе Рэспублікі Беларусь ад 16.07.2008 N 405-З "Аб абароне правоў спажыўцоў жыллёва-камунальных паслуг" (далей – Закон), выразна замацавана, што абарона правоў ажыццяўляецца толькі пры наяўнасці дагавора.

Што дае дагавор?

У першую чаргу, веданне і разуменне таго, хто канкрэтна прадастаўляе паслугу. Акрамя таго, у дагаворы выразна прапісаны правы, абавязкі і адказнасць бакоў. У выпадку, калі паслуга аказана няякасна ці не ў поўным аб'ёме, наяўнасць дагавора паслужыць падставай для прэтэнзіі і дапаможа выразней яе сфармуляваць. Што ж тычыцца разлікаў, то ў іх нічога не зменіцца: налічэнні па-ранейшаму будуць адлюстроўвацца ў паведамленні на аплату паслуг у адпаведнасці з устаноўленымі тарыфамі. Адмова ад заключэння дагавора не вызваліць спажыўца ад аплаты аказанай паслугі.

Згодна з ч. 2 арт. 15 Закона дагавор на аказанне жыллёва-камунальных паслуг заключаецца з усімі ўласнікамі альбо з адным з іх па пагадненні паміж імі. Прыведзеная норма прадугледжвае два варыянты заключэння дагавора з выканаўцам: - з усімі ўласнікамі паасобку; - з адным па дамове паміж імі.

Дакументы, неабходныя для заключэння дагавора:

-заява;

-пашпарт або іншы дакумент, які сведчыць асобу;

-дакумент, які пацвярджае права валодання і карыстання жылым памяшканнем, або аформленую ва ўстаноўленым заканадаўствам парадку даверанасць на права заключэння дагавора;

-акт-дазвол аб пуску ў эксплуатацыю падключэння да сістэм водазабеспячэння і (або) водаадвядзення (каналізацыі) аднакватэрнага, блакіраванага жылога дома, які знаходзіцца ў эксплуатацыі, па выніках прыёмкі выкананых работ (у выпадку ажыццяўлення далучэння да сістэм цэнтралізаванага водазабеспячэння, водаадвядзення (каналізацыі).
Тэлефон для даведак 73-13-88, каб.9, зав. Зялёны, 7, г. Барысаў

Графік прыёму спажыўцоў:

панядзелак, аўторак, чацвер, пятніца   8.00 - 17.00 (перапынак 13.00 - 14.00),                                                      

серада 8.00-20.00 (перапынак  14.00 - 15.00), субота без перапынку з 9.00-16.00